Mandulinata 'e Ll'emigrante
Par Consiglia Licciardi · Auteur : Consiglia Licciardi
Traduction par panzas
Paroles originales
Quanta miglia ha fatto 'o bastimento!
Sóngo giá tante ca nisciune 'e cconta.
Ma n'arpeggio doce porta 'o viento,
Na canzone, mentre 'a luna sponta.
Si' tu, si' tu,
Cittá d''e manduline,
D''a giuventù,
D''e suonne, d''e ciardine.
Si' tu ca t'avvicine
A nuje, triste e luntane,
Quanno 'e ccanzone
Ce parlano 'e te!
Stanno zitte e mute ll'emigrante.
Só' mutive ca ogne core 'e ssente.
Nun è na canzone, ne só' ciento.
Danno 'a bona nova a tutt''e viente.
Si' tu, si' tu,
Cittá d''e manduline,
D''a giuventù,
D''e suonne, d''e ciardine.
Si' tu ca t'avvicine
A nuje triste e luntane,
Quanno 'e ccanzone
Ce parlano 'e te!
Si' tu ca t'avvicine
A nuje triste e luntane,
Quanno 'e ccanzone
Ce parlano 'e te!
Commentaires (0)
Connectez-vous pour commenter.