Da Grande

<p>Sappia oghje quale sò È ciò`ch’o saraghju grande Saraghju cum’è babbò Rè di le muntagne bianche.</p><p>Un campagnolu curtese Cù la mio mamma natura Un pasturellu di paese Passi d’elpa è di pianura.</p><p>Vogliu avè mille animali Pecure, capre è vaccine Senza calle nè stazzali Senza rete nè cunfine.</p><p>Solu avè un barracone Grande guasi cum’è un mondu Pè nasconde à la stagione E mio bestie tutte in tondu.</p><p>Cum’è amiche, altagne è volpe Cum’è manghjà, frutta è acqua Cum’è tettu, stelle è sole Chì in l’erba l’aria si stracqua.</p><p>È dinù per l’istatina Fammi tante mirendelle Pè le valle è le culline Cù millaie di zitelli.</p><p> È po l’ai ben’ capita Chì vinarai incu mè È inseme in la vita Ne seremu regina è rè.</p>