A Paghjella di L'Impiccati

<p>S’è vo ghjunghjite in niolu Ci viderete un cunventu Di u tempu u tagliolu Ùn ci n’hà sguassatu pientu Eranu una sessantina Chjosi in pettu à u spaventu</p><p>Dopu stati straziati Da u boia o chì macellu Parechji funu impiccati Ci n’era unu zitellu L’anu tuttu sfracillatu È di rota è di cultellu</p><p>Oghje chi ghjè oghje in corscia Fateci casu una cria Si pate sempre l’angoscia Intesu dì marcumaria Era quessu u so nome Mancu quindeci anni avia</p><p>S’è vo ghjunghjite in niolu Ci viderete un cunventu A brama d’ogni figliolu A ci dice ancu u ventu Libertà libertà sempre Dopu à tamantu spaventu.</p>