Mandulinata 'e Ll'emigrante

By Consiglia Licciardi · Writer: Consiglia Licciardi

Original: →Translation:

Translation by panzas

Original lyrics

Quanta miglia ha fatto 'o bastimento!
Sóngo giá tante ca nisciune 'e cconta.
Ma n'arpeggio doce porta 'o viento,
Na canzone, mentre 'a luna sponta.

Si' tu, si' tu,
Cittá d''e manduline,
D''a giuventù,
D''e suonne, d''e ciardine.

Si' tu ca t'avvicine
A nuje, triste e luntane,
Quanno 'e ccanzone
Ce parlano 'e te!

Stanno zitte e mute ll'emigrante.
Só' mutive ca ogne core 'e ssente.
Nun è na canzone, ne só' ciento.
Danno 'a bona nova a tutt''e viente.

Si' tu, si' tu,
Cittá d''e manduline,
D''a giuventù,
D''e suonne, d''e ciardine.

Si' tu ca t'avvicine
A nuje triste e luntane,
Quanno 'e ccanzone
Ce parlano 'e te!